鏡仔互相傷害！教主今日被姜濤喺IG公開一張照妖鏡炒車相，相入面教主正在舞動中，面部肌肉同五官處於暴走狀態，面容慘被姜濤公諸於世！
不過始作俑者原來係田一雄，是關佢喺鏡仔群組share呢張相，姜濤之後cap圖公開。各位鏡仔都對呢張相表示非常驚訝，紛紛：「哇…」「wa…」「哇…」「😂😂😂」，流出者姜濤仲補刀：「你塊面都幾鬆😂」，Jeremy更形容係「浮屍」！
驚聞醜照流出後，手握海量黑材料嘅教主宣布向隊員開戰，貼上幾張對方嘅照妖鏡反擊。不過大家都知教主係暖男，佢好好咁幫其他人打返厚格，表示寬恕佢地：「凡事留一線，日後好相見🥸♥️ still love you guys～🥸 」有黑材料喺手就唔同講法喇，各位鏡仔嘅求生欲立即被燃起，Jeremy事後立即割席：「唔關我事！我愛你♥️」
Search